Lleoliad: Caerdydd
Cyflog: Yn dibynnu ar brofiad
Adrodd i: Pennaeth Digidol
Mae Boom Cymru, un o gwmnïau cynhyrchu teledu a chyfryngau digidol blaenllaw Cymru, yn chwilio
am Reolwr Cyfryngau Cymdeithasol a Chyfathrebu dawnus a brwdfrydig i ymuno â’n tîm. Wedi’n lleoli
yn Nghaerdydd, rydym yn creu cynnwys sydd wedi ennill gwobrau ar draws drama, adloniant,
rhaglenni ffeithiol a rhaglenni plant i ddarlledwyr a llwyfannau digidol ledled y DU a thu hwnt.
Ynglŷn â’r Swydd
Rydym yn chwilio am unigolyn deinamig i arwain ein presenoldeb ar y cyfryngau cymdeithasol ac i
reoli ein strategaeth gyfathrebu yn Gymraeg a Saesneg. Byddwch yn chwarae rhan hollbwysig wrth
lunio wyneb cyhoeddus Boom Cymru, ymgysylltu â chynulleidfaoedd, hyrwyddo ein cynyrchiadau
amrywiol, a chryfhau ein brand ar draws sawl llwyfan.
Prif Gyfrifoldebau
● Cynorthwyo gyda rheoli ac amserlennu postiadau ar draws llwyfannau cymdeithasol (Instagram,
LinkedIn, X, Facebook, TikTok) i gynyddu ymgysylltiad ac ehangu cyrhaeddiad.
● Creu cynnwys ysgrifenedig, gweledol a fideo ar gyfer llwyfannau gwahanol.
● Cefnogi datblygiad a chyflwyno ymgyrchoedd digidol ar gyfer prosiectau teledu a chyfryngau
cymdeithasol a chyhoeddiadau’r cwmni.
● Arwain ar ysgrifennu datganiadau i’r wasg, cylchlythyrau, diweddariadau gwefan a chyfathrebiadau
mewnol.
● Monitro’r cyfryngau cymdeithasol a sylw’r wasg, gan baratoi adroddiadau perfformiad rheolaidd.
● Cefnogi’r berthynas gyda darlledwyr.
● Cadw’n wybodus am dueddiadau cyfryngau cymdeithasol, diweddariadau llwyfannau a
datblygiadau’r diwydiant.
Prif Sgiliau a Phrofiad
● Rhugl yn y Gymraeg a’r Saesneg, gyda sgiliau cyfathrebu ysgrifenedig a llafar rhagorol yn y ddwy
iaith.
● Profiad cadarn o reoli cyfrifon cyfryngau cymdeithasol a chyfathrebu o fewn amgylchedd creadigol,
cyfryngol neu adloniant.
● Sgiliau cryf mewn ysgrifennu copi, adrodd straeon a chreu cynnwys.
● Profiad o ddefnyddio offer rheoli ac ystadegau cyfryngau cymdeithasol.
● Gallu i weithio dan bwysau, gan reoli sawl prosiect a therfynau amser gyda sylw cryf i fanylion.
● Dawn greadigol, angerdd dros arloesi digidol a greddf da am gynnwys ymgysylltiol.
● Dealltwriaeth dda o reoli brand a datblygu cynulleidfaoedd.
Ymgeisiwch drwy yrru CV a llythyr atodol yn amlinellu eich profiad at hr@boomcymru.co.uk
erbyn 5yh, Dydd Llun y 25ain o Orffennaf.
Mae Boom yn gyflogwr cyfle cyfartal ac mae’n croesawu pobl â safbwyntiau amrywiol ac o gefndiroedd heb
gynrychiolaeth ddigonol. Rydym wedi ymrwymo i adlewyrchu a chynrychioli amrywiaeth y DU yn ein holl
weithgareddau.
Mae eich Data Personol yn bwysig iawn i Boom a bydd y wybodaeth a roddwch yn cael ei chasglu a’i phrosesu yn unol â
Deddf Diogelu Data 2018 a Hysbysiad Preifatrwydd Boom (https://boomcymru.co.uk/en/polisi-preifatrwydd/).